WILLEMSTAD.- Fun Miles a anunsiá ganadónan di su Fun Lottery, e popular kampaña na unda ku por a gana diferente premio- inkluyendo un outo den e temporada di fin di aña 2020! E konsumidó a depositá su lòtnan den gran kantidat, ku speransa di gana un Chevrolet Beat nobo nobo, e ‘Premio Punda’ di 1 mion Fun Miles, òf un di e otro tremendo premionan. E sorteo ofisial di The Fun Lottery a tuma lugá djaweps dia 21 di yanüari último.  Fun Miles a yama i felisitá tur e ganadónan. Ademas, ta gradisí tur partisipante i partner ku a kontribuí na hasi e kampaña aki un éksito rotundo. Por haña un lista kompletu di tur number di karchi ganadó riba funmiles.net.

A pèrkurá pa èkstra ‘fun’ den tempunan difísil

Bida di tur hende a keda impaktá pa e pandemia COVID, esei mes ta e motibu ku Fun Miles ta masha agradesido ku no opstante e pandemia por a ofresé e tradishonal kampaña di fin di aña. Partnernan di Fun Miles a brinda nan sosten na e kampaña ku hopi entusiasmo, kreatividat i manteniendo nan mes kontinuamente na e reglanan di prekoushon. Esaki a hasi ku e konsumidó i miembronan di Fun Miles a sinti nan mas sigur pa hasi kompra i partisipá. Esaki a yuda enormemente pa fortifiká Fun Miles su promesa: mas kampaña ‘fun’ den 2021.

Un kampaña yen di ‘fun’ ku premio grandioso

E premio mayó tabata un Chevrolet Beat di AutoCity, inkluyendo 1 aña di seguro grátis di ENNIA i Ang. 500 di gasolin na ASOgas. Establesimentunan den Punda a djòin e kampaña i a agregá un premio fantástiko  di 1 mion Fun Miles, pa e ‘Premio Punda’. Otro premionan grandi a inkluí 100,000 Fun Miles i 2 pasashi ku TUI pa Hulanda. Tambe a regalá estadia den hotèl, vários ‘gift voucher’ pa diferente atrakshon i premio di partnernan partisipante. Fun Miles ta deseá e ganadónan hopi ‘fun’ ku nan premionan.

Tokante Fun Miles

Fun Miles ta e programa di rekompensa na kliente mas grandi den Karibe. Miembronan di Fun Miles ta disfrutá kontinuamente di ofertanan spesial, promoshonnan fun i kampañanan pa gana premio. Esun ku no ke pèrdè nada ta wòrdu rekomendá pa sigui Fun Miles riba sosial media, bishita funmiles.net i pa ‘download’ e app grátis di Fun Miles.

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.

Partnernan partisipante na Kòrsou

AutoCity, ALDO Punda, ASOgas, Betonindustrie Brievengat, Changes, ENNIA, FeetFirst, Kooyman, ProSport, Punda Loves You, Super Retail, TUI, i Van der Tweel Supermarket.