WILLEMSTAD.- Fun Miles a selebrá ayera 20 aña i na mes momentu a kontemplá futuro menshonando diferente proyekto ku nan lo spònser, un di nan sigur ta ku nan tei drenta skol ku Leerorkest.

Fun Miles a selebrá su di 20 aniversario ku un ambiente tur afó na Brakkeput Mei Mei. Koleganan, partner i vários invitado mas a disfrutá di entretenimentu, diferente spich i naturalmente kos di kome i bebe. A traha tempu pa un ‘trip down memory lane’, esaki via di un video ku a relatá e historia di Fun Miles. Den un ambiente masha ameno a kòrda hopi momentunan bunita; tabata 20 aña di hopi éksito pa Fun Miles, na unda ku e empresa a krese i bira e programa di spar i troka mas grandi den region Karibe, ku mas ku 160 partner riba 4 isla.

20 aña di spar i troka

Dia 31 di yanüari na aña 1998 a introdusí Fun Miles na Kòrsou. Na 2001 a agregá Boneiru. Na 2004 i 2006 Aruba i St. Maarten tambe respektivamente. E programa ta te ku dia di awe sumamente popular: miembronan den forma masal ta troka nan puntonan ku nan a spar grátis pa kompra, biahe, gasolin, material di konstrukshon, kome na restorant i muchu mas. Semper Fun Miles a sobresalí ku kampaña i eventonan ‘funtástiko’.

Den su diskurso e direktor sr. Gert Jan van der Meulen a mustra kon orguyoso e ta. E ta orguyoso pa konta ku presensia di tur esnan presente na selebrashon di nan di 20 aniversario. El a menshoná partnernan di nan programa entre nan vários ku tei for di promé ora di e organisashon aki, meskos ku nan relashonnan den prensa i empresarionan mas invitadonan.

Gert Jan van der Meulen ta masha orguyoso di por ta forma parti di e tim di Fun Miles pa último aña i mei.

Fun MIles a kuminsá 20 aña pasá ku un man yen di empresa partisipando den nan aktividat di spar punto i ku 4 miembro di personal. Awe nan a krese den un organisashon di 16 trahadó ku ta konta ku mas di 160 empresa partisipando riba 4 isla.

Ta hopi kos tin di selebrá e direktor a bisa. Mas di 29 mil transakshon di swipe pa dia i mas di 100 mil miembro ku an karchi, Fun Miles a krese den último aña den un par mion di ‘miles’ pa mas di 800 mion ‘miles’ di spar i kobra den 2017 i nan ta yegando un miar.

Gert Jan van der Meulen ta masha orguyoso di por duna guia na un empresa ku un vishon i tarea bon kla. E konsumidó ta kambia den su orientashon i komportashon di kompra, ta kambia den loke e ta spera di servisio i kalidat, ta bira mas fuerte den protesta i mas kritiko i ta spera ku nan ta tur ora alkansá pa e kliente ei. I den e kuadro aki Fun Miles ta sigui vigilá i analisá e mihó posibilidatnan di komunikashon pa asina por rekompensá e konsumidó pa nan komportashon di kompra.

Fun Miles ta keda desaroyá ku  téknika, invertí den inovashon, digitalisashon i nan IT i plataformanan di komunikashon. Lei di privasidat ta kambia i pa esei Fun Miles tin di antisipá ku lo bai tin prosedura di “log in” nobo a konsekuensia di esei.

20 aña di Fun Miles ta di selebrá. Normalmente esun ku hasi aña ta haña regalo pero den e kaso aki Fun Miles lo bai parti regalo. I esaki nan lo hasi entre otro dor di partisipá aktivamente den Curaçao Cares i pronto lo ta spònser di e Leerorkest Curaçao. Un inisiativa fantástiko kaminda muchanan di skol lo por bai traha riba nan konfiansa propio hasiendo uso di músika i asina desaroyá nan mes.

Mas aleu por ferwaktu un kampaña grandi di dominó pa fin di aña pa klientenan. Tambe a yama danki na e promé negoshinan ku a uni 20 aña pasa na Fun Miles dor di entrega nan un famoso “Chichi”. I na final e direktor a laga wak un video ku ta ilustrá kon Fun Miles a lanta, desaroyá te loke e ta awe. Pabien Fun Miles.