Historia real kon 2 ruman ta skapa di trafikantenan humano

WILLEMSTAD. - Djaweps awor lo tin estreno di e pelíkula The Sound of Freedom. Ta trata di un pelíkula basá riba un historia real, kaminda un agente federal ta trata na skapa 2 ruman for di un ret di trafikashon humano. Den kuadro pa rekoudá fondo pa  Fundashon Bos di Hubentut sigui hasi su trabounan diario den skolnan i komunidat di Kòrsou, ta invitá pueblo di Kòrsou pa kumpra karchi p’asina huntu ku Fundashon Bos di Hubentut wak e dia ku e estrená. E estreno lo ta djaweps 31 di ougùstùs pa 7 or di anochi na The Movies Otrabanda.

Riba e página di Facebook di Fundashon Bos di Hubentut tin un link ku por haña un impreshon kiko e pelíkula lo ofresé.

Pues no pèrdè e chèns pa sostené Fundashon Bos di Hubentut pa nan sigui ku e trabounan balioso pa komunidat.