WILLEMSTAD.- Awe mainta fundashon E Hende ku ta representá hendenan ku ta hür un kas di gobièrnu pa hopi aña kaba i ku ke bira doño di e kasnan aki, a bai edifisio di Parlamento awe mainta. Presidente di Parlamento a laga diskulpa su mes debí na e reunion ku a kaba te awe mainta. Na e sitio e presidente di e fundashon sra. Ardieth Merien a informá su siguidónan pa tende kua ta e siguiente paso ku nan ta tuma.

Mas despues e grupo a mobilisá bai Fort Amsterdam. Na e porta grandi, ku tabata será, e polis a informá sra. Merien i su siguidónan ku ta 5 hende so por drenta Fòrti. Despues di algun deliberashon e grupo a skohe 5 hende pa drenta Fòrti.

T’asina ku for di aña 2015, Fundashon E Hende (FEH) a start ku denunsia den komunidat tokante iregularidatnan rondó di kompra i benta di kasnan di Pueblo ku a ser konstatá. Mas lat a bin aserka hopi kehonan di índole fuerte i profundo. Hopi esfuerso a ser hasí pa aserká i konvensé Gobièrnu pa kambia direkshon di mal maneho ehersé durante 40 aña di eksistensia di Fundashon Kas Popular kontra di hürdónan di kasnan di Pueblo. Mas detaye den edishon di EXTRA.