Fundashon JAG ta organisá “Parada di Baiskel ku Lus”

WILLEMSTAD.- Manera JAG a primintí, e ta kumpli. E tremendo Parada di Baiskel ku Lus ta sigui dia 30 mart próksimo, riba e Ruta di Karnaval, di 6 or pa 11 or di anochi.
Biaha pasá pa motibunan fuera di alkanse mester a kanselá e Parada di Baiskel ku Lus, pero awor e ta kontinuá.
Pa esnan ku no a kumpra nan karchi ainda, hasi lihé buska bo karchi mas pronto posibel.
Karchinan ta optenibel na rason di 35 florin na Beep Beep, 24 uur uit de muur i na Mensing’s Caminada. Ku bo karchi bo ta risibí un pakete ku ta inkluí bo T-shirt i 2 lus. Di mes abo tambe por dòrna bo baiskel ku kuantu lus mas ku bo kier.
Dia 29 mart lo hasi repartishon di pakete na Sede di Fundashon JAG (Palu Blanku), riba Schottegatweg West #123, enfrente di Celia Building, despues di e Rotònde di Plasa Hariri.
Buska bo karchi tempran pa huntu ku Fundashon JAG bo bai disfrutá di un tremendo… Parada di Baiskel ku Lus!

SHARE

LEAVE A REPLY