Relashoná ku investigashon di kanser na tripa:

WILLEMSTAD. - Den kuadro di e meta alkansá, esta kolektá 400 lista di pregunta, Fundashon Prevenshon (FP) a selebrá esaki organisando un ‘Happy Hour’ ku tur ku a yuda pa logra e meta.

For di aña 2020 FP a start ku un investigashon den poblashon riba kanser na tripa. Pa por komprondé mihó e meta stipulá, FP a  hasi un investigashon sientífiko tambe.

FP a hasi un estudio di kuestionario entre personanan entre 50 i 75 aña (dirigí na e programa di detekshon di kanser di tripa).

A analisá e intenshon di e tèstnan di detekshon i e persepshonnan di kanser i salú.

E meta tabata pa kolektá 400 kuestionario i siman pasá, FP a selebrá e echo ku nan a logra nan meta. Esaki tabata motibu ku  FP a organisá un ora felis kaminda ku nan a invitá tur esnan ku a yuda ku e estudio. Riba e kombinashon di foto por haña un impreshon di e ‘Happy Hour” organisá.