MANCHESTER.- E hóben futbolista yu di Kòrsou Tahith Chong ta konsiderando su opshonnan pa e momento ku temporada di transferensia habri den zomer. E hungadó di Manchester United kende ta na Bèlgika fiá na Club Brugge, no sa ainda kiko ta bai pasa.

Chong a yega Club Brugge despues di un periodo di desapunto na Alemania ku Werder Bremen. El a skor den su debut ku Brugge i a kontribuí ku seis pase pa gol.  Pero mas ku esei e no a hasi i awor e tin ku mira kiko ta bira su siguiente paso.

Chong ainda tin un aña di kontrakt ku Man United, pero no ta sigur ku e ta den plannan di e trainer Ole Gunnar Solskajer. Awor aki su focus ta pa keda ku Club Brugge i proba su mes ora ku e haña e oportunidat ei. “Mi focus ta riba e dos weganan di playoff. Kon ku bai bin, bo tin ku demostrá bo mes”, segun el a komentá.

A spera hopi di Chong for di despues ku el a subi pa e promé team di United den 2019. Pero e no a logra hasi mas ku 16 aparishon ku e Red Devils.

LAGA UN KOMENTARIO

Please enter your comment!
Please enter your name here