OM a anunsiá investigashon kontra frakshon di POR

ORANJESTAD.- Awe tardi premier arubano Evelyn Wever-Croes a entrega retiro di su gabinete na gobernador i tambe e petishon pa disolvé Parlamento. Tur kos a kuminsá na momentu ku Ministerio Publiko a emití un publikashon na prensa den kua ta anunsiá un investigashon kontra di e frakshon di e partido POR den Parlamento. POR ta parti di e koalishon di gobièrnu di Aruba.

Ministerio Publiko a indiká ku e sospecho kontra frakshon di POR ta trata un investigashon di malversashon di fondo. Un di e puntonan sumamente importante di e gabinete arubano aktual ta integridat i bon gobernashon, komo tal ta konsiderá e akusashon di OM komo un violashon hopi serio.

A base di esakinan a disidí na entrega retiro na su ekselensia gobernador  i tambe e petishon pa disolvé Parlamento. Mas detaye den edishon di EXTRA.