WILLEMSTAD.- Sra. Mashona Angela a keda invitá ayera tardi pa bin tuma su premio relashoná ku e kampaña di ‘Rei ken ta Sali Rei òf Reina di Tumba 2025’. Na EXTRA Mashona i su yu hòmber a keda risibí pa Sra. Sin Paulina i Luis Curiel.
KOMBINASHON
Riba e pregunta kon bin e kombinashon di Jefdaney Manuela i Adjatay Denisia, Mashona a splika ku e tabatin nan dos komo faborito i ku el a yena diferente formulario ku e kombinashon di sea Jefdaney komo Reina òf Adjatay komo Rei.
DANKI
Korant EXTRA ke yama danki na e spònsernan prinsipal: Leañez i Best Buy Supermarket. Aserka ta gradisí tambe e spònsernan: Mangusa, Kooyman, Coca-Cola, Fria i KFC, finger licking good.
Despues di e parti ofisial kaminda Korant EXTRA a transmití e entrega di premio riba su plataforma digital, Mashona a yena su outo ku e pakete grandi di komestibel ku el a risibí komo premio. Awor Mashona ta kla pa bai disfrutá di un tremendo Karnaval.