WILLEMSTAD.- Un ‘gang’ konsiderá ku no ta respetá orario di toke de keda, ta bezig ku un operashon kriminal ku hopi freskura i sin rèspèt pa kas ni propiedat di hende.

Un gang ku ta ópera den espasio di toke de keda , drentando kura di kas di hende i kometé destrukshon i ladronisia di piesanan di outo ku nan tin mester i tambe hòrta vários bateria.

Plataforma Bándariba ta alerta; Un total di 11 outo konforme keho registrá , e gang aki a kibra i hòrta piesanan for di nan. For di outonan stashoná den kura durante ora di toke –de – keda i ku e gang no por ta moviendo riba kaya. E manera di ópera aki dor di e gang den Bándariba, ta pa motibu ku nan sa ku den nan ora di ópera, no tin outoridat riba kaya.

Plataforma Bándariba huntu ku polis ta lamentá e desaroyo negativo aki despues di un temporada basta largu di un trankilidat pa e pueblo.

E unidat di Bándariba ta manda señal pa ta alerta pa ku e desaroyo nobo i negativo aki. Ser atento i aktua mesora riba e aktonan fèrfelu aki kontra loke ta abo su propiedat. Yama polis mesora asina ku sinti moveshon nan durante toke de keda.