Garcia ta keda será

WILLEMSTAD.- Korte di hustisia a trata petishon di abogado Mr. Ornelio Kid Martina relashoná ku salú di e detenido Eric Garcia (79) den prizon na Koraal Specht. Garcia ta sintando un kondena di 4 aña segun veredikto di wes, pero e situashon di salú di e detenido no ta nada bon. E ta hopi suak i no por haña e dieta ku su médiko i otro profeshonalnan di salu ta dikta.

Abogado Martina a indiká, despues di e tratamentu den korte, ku prizon a duna un relato kon ta tratando ku situashon di salú di Garcia pero korte a haña ku e informashon presentá no ta sufisiente i komo tal a duna prizon 14 dia pa bini bek. Un di e motibunan prinsipal ku prizon no por kumpli ku e dieta pa e detenido ta falta di sèn.  Korte mester disidí dia 27 di ougùstùs próksimo kiko ta pasa. Tanten e eks bankero Eric Garcia ta keda den prizon. Mas detaye den edishon di EXTRA.

SHARE

LEAVE A REPLY