Diesel ta subi ku 9.5 sèn

WILLEMSTAD.-Bureau Telecommunicatie ta kumpli ku e tarea di informa e kambionan pa loke ta trata produktonan petrolero. Ta tene kuenta ku e fluktuashon frekuente riba e preisnan di petroli riba merkado internashonal i komo konsekuensia di esaki ta adaptá tarifanan mensual.

Pa loke ta trata preis di gasolin i diesel por informa ku gasolin Mogas ta kosta e kliente na pòmp Fl 2.35 pa liter i diesel ta kosta Fl 1.68 pa liter. Esaki ta na vigor te 31 di mei próksimo ku ta otro siman djaluna. Gas pa kushina, e bòter grandi ta kosta Fl 70,- i e gas chikitu ta kosta Fl 14,-.

Entrante promé (1) di yüni tin kambio. Gasolin ta bira Fl 2.25 pa liter i diesel ta bira Fl 1.775 pa liter. Ta trata di respektivamente un subida minimal pa gasolin di 1.5 sèn pa liter i un subida di 9.5 sèn pa diesel. E kambio mas drástiko ta pa gas di kushina. E bòter di 100lb ku ta Fl 70,- ta bira Fl 80,- pues un subida di fl 10,- i e bòter chikitu ku ta Fl 14,- ta konosé un subida di 2 florin pa yega Fl 16,-. Mas detaye den edishon di EXTRA.