WILLEMSTAD.- Gobièrnu ta informá di preisnan nobo pa gasolin, gasoil, awa i koriente. Entrante 30 di mei 2017 te próksimo aviso e struktura di preis nobo pa gasolin i gasoil ta kambia. Gasolin lo subi ku 4 sèn miéntras ku gasoil lo baha ku 3 sèn.

E subida di e tarifa usuario final pa Mogas 95 ta prinsipalmente resultado di un subida den e preis di kompra i un bahada den e korekshon di e komponente Sùrplùs/Défisit. E bahada di tarifa usuario final di Gasoil LSD ta prinsipalmente resultado di un korekshon negativo den e komponente Sùrplùs/Défisit.

E tarifanan di elektrisidat i awa entrante 1 di yüni 2017 lo keda kambiá. Ta trata di un bahada di tarifa leve pa elektrisidat i un subida di tarifa leve pa awa. E kambionan di tarifa den yüni 2017 ta wòrdu okashoná pa medio di preisnan di kombustibel un tiki mas abou kombiná ku korekshonnan un tiki mas haltu di aprel.

De e edishon di EXTRA mayan lo tin mas detayes