WILLEMSTAD.- Gobièrnu ta informá di preisnan nobo pa gasolin, gasoil, awa i koriente. Entrante 3 di òktober 2017 te próksimo aviso e struktura di preis nobo pa gasolin i gasoil ta kambia. Gasolin lo subi ku 9 sèn miéntras ku gasoil lo subi ku 2 sèn.

E tarifanan di elektrisidat i awa entrante 1 di òktober 2017 lo keda kambiá. Ta trata di un bahada leve di tarifa pa awa elektrisidat. No opstante e echo ku preisnan di kombustibel a subi, por papia di un bahada leve di e tarifanan di elektrisidat komo resultado di un produkto-miksto modifiká respekto di e luna anterior. E bahada leve di e tarifanan pa awa ta prinsipalmente a konsekuensia di e faktor di korekshon ofer di e luna di ougùstùs. De e edishon di EXTRA mayan lo tin mas detaye.