WILLEMSTAD.- Segun informashonnan ku EXTRA ta disponé di dje, tantu gasolin komo gasoil lo subi entrante 4 di desèmber.

Te ku ayera ainda e gobièrnu (BT&P) no a informá di e adaptashon di preisnan nobo pa kombustibel pero tambe pa awa i koriente.

EXTRA a haña informashon ku gasolin ta subi ku algu mas ku 3% i lo bai para banda di 2,055 sèn pa liter. Gasoil su oumento lo ta poko ménos i lo bira 1,583 pa liter ku ta un oumento di ménos ku 1%.

Bòter di gas grandi i chikí si lo keda meskos esta 65 i 13 florin pa bòter.