WILLEMSTAD - Gobièrnu di Kòrsou ta partisipá ku e tarifa usuario final pa e produktonan Mogas 95 i Gasoil LSD entrante 2 di yüli 2019 lo keda kambiá. Gasolin lo baha ku 3 sèn miéntras ku gasoil lo keda redusí ku 6 sèn. E tarifa usuario final pa Mogas 95 i Gasoil LSD ta baha prinsipalmente pa motibu di e resultado di un bahada di tantu preisnan di kompra komo e faktor di korekshon den e komponente sùrplùs/défisit. E tarifa usuario final pa e produktonan LPG 100 lbs i LPG 20 lbs no ta kambiá. Tambe tarifa di awa i elektrisidat lo baha entrante 1 di yüli 2019. Ta trata di un bahada den e tarifanan pa awa i elektrisidat ku ta kousá prinsipalmente pa motibu di e promedio abou di e gastunan di kombustibel i e faktornan di korekshon abou pa awa i elektrisidat, tokante di e desviashonnan di e gastunan di kombustibel i elektrisidat realisá kompará ku e pronóstiko ofer di mei den komparashon ku e luna anterior.