WILLEMSTAD - Gobièrnu di Kòrsou ta partisipá ku e tarifa usuario final pa e produktonan Mogas 95 i Gasoil LSD entrante 4 di febrüari 2020 lo keda kambiá. Gasolin lo baha ku kasi 4 sèn miéntras ku gasoil lo subi ku 2 sèn. E tarifa usuario final pa e produktonan LPG 100 lbs i LPG 20 lbs no ta kambiá. E bahada di e tarifa usuario final pa Mogas 95 ta prinsipalmente resultado di un bahada di e preis di kompra i e komponente sùrplùs/défisit. E subida di e tarifa usuario final pa Gasoil LSD ta prinsipalmente resultado di un subida di e preis di kompra i un bahada di e korekshon den e komponente sùrplùs/défisit.

Gobièrnu di Kòrsou ta partisipá tambe ku e tarifanan di elektrisidat i awa entrante 1 di febrüari 2020 lo keda kambiá.  Ta trata di un bahada den e tarifa di awa i elektrisidat ku ta resultado di un bahada leve den e preis di kombustibel i un faktor di korekshon mas abou ofer di e luna di dezèmber 2019.

Den edishon mayan di EXTRA tin mas detaye.