WILLEMSTAD - Entrante 30 di aprel 2019 te próksimo aviso e struktura di preis nobo pa e produktonan Mogas 95, Gasoil LSD, ta lo siguiente: Gasolin lo subi ku kasi 16 sèn miéntras ku gasoil lo subi ku kasi 7 sèn. Lo no tin kambio den preis di gas. E tarifa usuario final pa Mogas i gasoil LSD ta subi prinsipalmente dor di un oumento supstansial di e preisnan di kompra den liña ku e desaroyo di preis internashonal.

Pa loke ta awa i koriente ámbos lo subi atrobe. Ta trata di un oumento di e tarifanan pa awa i elektrisidat ku prinsipalmente ta okashoná dor e preisnan di kombustibel ku ta subiendo i un oumento den e faktor di korekshon pa awa i elektrisidat den komparashon ku e luna anterior pa motibu di e desviashonnan den preis di kombustibel respektivamente preis di elektrisidat kompará ku e pronóstiko. Den edishon di EXTRA mayan lo tin mas detaye.