Subida di preisnan internashonal ta kondusí na oumento di tarifa di energia

WILLEMSTAD – Entrante djamars 2 di mart 2021 e tarifa regulá di gasolin i diesel lo subi na Kòrsou. Gasolin lo subi ku 7 sèn i gasolin ku 13 sèn. E tarifa di elektrisidat i awa tambe lo subi entrante djaluna 1 di mart 2021. Esaki Bureau Telecommunicatie en Post (BT&P) ta partisipá den su komunikado mensual riba e partikularidat aki. BT&P ta supervisá e desaroyo di preis di produktonan petrolero i di utilidat.

Subida internashonal di kotisashon di zeta i kombustibel

Manera BT&P a anunsiá for di luna pasá kaba, tin papiá for di novèmber 2020 ku tin un subida di kotisashon internashonal kontinuo i fuerte tantu pa petrolio komo kombustibel refiná.

E desaroyonan akí tin subidanan internashonal di tarifanan di kombustibel komo konsekuensia. Na Kòrsou tambe e oumentonan akí ta kondusí na subida di tarifa pa kombustibel i utilidatnan pa e próksimo luna(nan). Den edishon mayan di EXTRA lo tin un relato amplio.