WILLEMSTAD.-Bureau Telecommunicatie & Post kumpliendo ku e tarea di informa komunidat, na nòmber di gobièrnu, di kambio di tarifanan di produktonan petrolero ta indiká ku preisnan lo kambia entrante mayan 2 di sèptèmber.

Gasolin Mogas ta kosta na e momentunan aki Fl 2.81 pa liter i esei lo bira Fl 2.62 pa liter, pues un redukshon di preis di 19 sèn pa liter. Pa loke ta trata diesel esei ta kosta awor aki Fl 2.40 pa liter anto esei ta kambia pa Fl 2.21 pa liter pues un redukshon di 18 sèn riba kada liter entrante 2 si sèptèmber. Mas detaye den edishon di EXTRA.