WILLEMSTAD.- Gobièrnu a kaba di informá di kambionan den preis di koriente, awa, gasolin i disel. E subida di e tarifa di gasolin ku 4 sèn ta prinsipalmente resultado di un subida den e preis di kompra i un bahada den e komponente Sùrplùs/ Défisit. E bahada di e tarifa di diésel ku 7 sen ta resultado di un bahada den e preis di kompra i tambe den e korekshon di e komponente Sùrplùs/ Défisit. E kambionan kit a drenta na vigor entrante 1 di mei 2018.

Na mes momentu a partisipá tambe ku e tarifanan di elektrisidat i awa entrante 1 di mei 2018 lo keda kambiá. Ta trata aki di un bahada di e tarifa di koriente i di awa. Spesífikamente, e bahada ta resultado di e faktor di korekshon pa luna di mart, ku na su turno ta debí na un diferensia den e meks di produkshon real, kompará ku loke tabatin planiá.

Den próksimo edishon di Extra lo tin mas detaye