WILLEMSTAD.- Gobièrnu a kaba di informá di kambionan den preis di gasolin, disel, koriente i awa, E subida di e tarifa di gasolin ku 8 sèn ta prinsipalmente resultado di un subida den e preis di kompra i tambe den e komponente Sùrplùs/Défisit. E subida di e tarifa di disel ku kasi 10 sèn (0,098) ta resultado di un subida den e preis di kompra i un bahada den e korekshon di e komponente Surplus/Défisit. Bòter di gas ta subi respektivamente 5 florin pa LPG 100lbs i 1 florin pa LPG 20 lbs. E subida di e tarifa usuario final pa LPG 100 i LPG 20 ta okashoná prinsipalmente dor di eliminá e supsidio krusá entre e tarifanan di LPG i e tarifanan di Mogas i LSD.

Na mes momentu a partisipá tambe ku e tarifanan di elektrisidat i awa entrante 1 di yüni 2018 lo keda kambiá. Ta trata di un subida de e tarifanan di elektrisidat i awa. E subida ta spesífikamente resultado di oumentu di preisnan di kombustibel i un kambio di e faktor di korekshon ofer di e luna di aprel siguí for di e desviashon di e produkshon miksto realisá respekto e planifikashon.

Den próksimo edishon di Extra lo tin mas detaye