WILLEMSTAD.- Dia 16 di òktober 1972 Gabriel (Boy) Magdalena a dal e promé pasonan pa lanta General Catering. Awe e ta mira bèk riba 51 aña di eksistensia, éksito tras di éksito i hopi mas pa bai. Den kuadro di e selebrashon el a haña bishita di minister sra. Rudmilda Larmonie-Cecilia ku a remplasá minister Cijntje ku ta den eksterior. E bishita aki ta mustra gobièrnu su sosten na empresarionan na Kòrsou i sigur General Catering ku 51 aña di eksistensia ku sigur ta di selebrá. Nos na EXTRA tambe a selebrá huntu ku sr. Magdalena saboriando di e pasapalunan ku sigur a hasi e negoshi eksitoso. Danki Boy i hopi aña mas pa General Catering.