WILLEMSTAD - Gerensia di Jetair ta informá su klientenan / pasaheronan ku nan ta konfrontando problema tékniko kual a resultá den kanselashon di buelonan entre 19 di mei pa 24 di mei 2024.

Jetair su departamento di mantenshon a hasi un chekeo djasabra último i a indiká ku mester hasi un kambio di motor kual lo tuma algun dia. “Esaki ta pa garantisá seguridat di nos pasaheronan i tripulashon. Jetair ta kontaktando tur su pasaheronan I ta tratando na buska solushon pa asina tur pasahero por yega nan destinashon.”

Gerensia Jetair ta lamentá tur e reakshon i spekulashonnan negativo ku ta bayendo rònt den media.

Jetair ta ekstendé su diskulpa pa e inkombeniensia ku a surgi.