WILLEMSTAD - Abogado Mr. Da Costa Gomez a kaba di tuma kontakto ku EXTRA pa informá ku su kliente Gerrit Schotte a terminá su wèlga di hamber despues di sinta ku tim di maneho di prisòn i yega na vários palabrashon. Schotte lo por risibí e kosnan ku a keda ninga na dje pero lo sigui papia riba mas tópiko djaluna awor. For di ayera atardi Schotte a kome su promé kuminda bek. Den transkurso di awe el a hasi un bishita di dòkter komokiera ku el a pèrdè 12 kilo. Lo e bai hasi algun tèst adishonal. Gerensia di prisòn a indiká klaramente ku pa loke ta e tópiko di ‘luchtbeleid’ lo no bai tin kambio pues lo keda manera e ta aktualmente. Gerrit Schotte a keda eligí komo presidente di e komishon di prezunan di Blòk 6 i ora e papia ku tim di maneho e ta papia na nòmber di tur e prezunan di e blòk aki.