Den tempran a konstatá ‘lekkage’ riba e tereno

WILLEMSTAD.-Tin un kaso di ‘lekkage’ riba e tereno di GGD na Zakito. Aqualectra a bai tira un bista riba e situashon pero komo ku ta ‘lekkage’ ta riba tereno di ministerio di Salubridat, Medio Ambiente i Naturalesa (GMN) e trahadónan di Aqualectra a indiká ku ta GMN mes mester solushoná e problema, asina minister Silvania ta informa.

E minister di GMN ta splika ku e tabata den kontakto ku hefe di e departamentu GGZ ku ta sra. Melissa Arias i esaki a informa e mandatario di e problema. Debi na e situashon aki mester a sera e kranchi mayó na GGD. Pipefitter a lokalisá e kousa di e ‘lekkage’ kaba i a drecha esaki, pues Zakito tin awa bek.

Tin indikashon ku lo tin mas ‘lekkage’ i p’esei e hefe di GGZ a informa e minister ku lo sigui ku e pipefitter pa drecha e otro kasonan di ‘lekkage’. Mas detaye den edishon di EXTRA.