WILLEMSTAD.- ‘Bichi kolorido t’ei pinta kaya’ ta título dje tumba ganadó den e kompetensia di ‘Festival di Tumba Hubenil 2018’. E hóben Gian van Eiker a resultá e ganadó interpretando e komposishon di Danny Yanga ku a konta ku areglo di Ravello Antoin.
Un bon públiko den Curaçao Festival Center a apoyá ayera tardi e 15 hóbennan ku e aña aki a  kompetí den e Festival. Un kos ku sigur a resaltá ta e talento ku nos hóbennan tin loke ta indikativo ku nos Festival di Tumba tin futuro aden.
Mester remarká ku e bandanan ku a kompañá e muchanan, Vega, YMG i Sablika a hasi bon trabou.

PREMIASHON
Mihó Bos: Lisanne Thomasia; Mihó Intérprete: Zouk’aino Jacobs; Mas Popular: Gian van Eiker; Mas Disipliná: Keano Passial; Premio Estímulo: Keano Passial.
Di tres finalista a resultá: Shentely Zimmerman. Di dos finalista: Charllson ‘Sontje’ Mercelina. Promé finalista: Zouk’aino Jacobs i ganadó apsoluto, Rei di Tumba Hubenil: Gian van Eiker.
Pabien na Niata Augusta i su tim pa un tremendo trabou.