WILLEMSTAD.- Ayera e klientenan di Girobank por a hasi uso di e servisionan pa por disponé di nan sèn na e banko aki. Segun a bin dilanti den rueda di prensa di Banko Sentral tin 27000 kliente. Ayera sinembargo a atendé 932 kliente.

Banko Sentral di Kòrsou i St. Maarten ta informá ku e dia a kana basta trankil.
CBCS i Girobank NV ta gradesí tur kliente, empleado di Girobank i e servisio di seguridat di apoyo i polis pa e bon funshonamentu di e servisionan den e tres sukursalnan di Girobank NV.

En total 932 kliente  hasi a bai Girobank di kual 336 na Skarlo, 322 na Janwe i 275 na Jan Noorduynweg.

Awe djasabra 14 di desèmber e sukursalnan ariba menshoná lo ta habrí for di 9 or di mainta pa klientenan te mitar di 4 atardi.

I for di djaluna e sukursalnan aki lo ta habrí  den oranan normal. E filial na Zuikertuin Mall lo keda será por lo pronto.

Pa tur pregunta ku klientenan lo por tin por manda esaki na giro@centralbank.cw

EXTRA a tuma nota ayera tambe di presensia di personal di Rode Kruis pa duna asistensia den kaso kualke kliente por bira malu.

...riba e fotonan por mira klientenan ku a bai asta ku nan stul pa por sinta warda nan turno....