Willemstad – Na bienestar i salu di empleadonan, kliente i públiko en general, i pa evitá ku e vírùs di CoVid-19 sigui plama, gerensia di Girobank NV a disidí pa prolongá e medidanan di seguridat na momentu ku ta bishitá e sukursalnan na Seru Loraweg i Jan Noorduynweg.

Nos ta pidi bo koperashon pa kumpli ku e instrukshonnan na momentu ku bo bishitá un di nos sukursalnan. E sukursal na Scharloo lo keda sera pa públiko te próksimo aviso.

Girobank NV ta supliká klientenan hasi mas tantu pago elektróniko i transakshon online òf pa medio di telefòn.

Pa pregunta òf asistensia pa ku bo transakshonnan por tuma kontakto ku nos sentro di servisio na 433-9130 òf pa medio di e-mail pa info@girobank.net.

Gerensia i empleadonan di Girobank NV ta gradisí bo pa bo komprenshon i ta deseá bo forsa den e tempunan turbulento aki.