WILLEMSTAD.-Ta bini kambio den maneho di e resort mas grandi na Kòrsou kual ta Sandals Royal Curaçao. Premier Pisas ta informá ku djabièrnè 25 di ougùstùs el a realisá un bishita na e resort luhoso na Kòrsou. Premier a reuní ku General Manager Mr. Kevin Clarke, CEO Mr. Gebhard Rainer, Corporate Director Communications i PR Mrs. Rachel McLarty i VP Operations Mr. Don Dagenais. Pisas ta informá ku tabata durante di e enkuentro aki ku GM Mr. Clarke a anunsiá ku e ta bandoná Sandals Royal Curaçao i ta bai sigui su karera na St. Vincent na otro resort luhoso di Sandals Resorts International.