WILLEMSTAD.-Awe mainta minister di Salubridat i Medio Ambiente a disidí ku ta basta ku e situashon na Cocorie i a duna òrdu na outoridatnan a para e situashon aki i segura e lugá di tal forma ku no por sigui ku e fòrnu di karbon mas na Cocorie.

Anteriormente kaba a duna òrdu na esnan ku ta operá e fòrnunan di karbon den e área pa nan stòp, pero mirando ku nan no a duna oido na e petishon awor minister a duna enkargo na e funshonarionan pa bai na e sitio i realmente pone òrdu i stòp e fòrnunan di karbon. Ta basta tempu kaba ku abitantenan di pariba ta reklamá e holó di huma ku ta bini for di e área. Tin abitantenan ku mester a muda debí ku pa motibunan di salu nan no por a soportá e situashon mas.

Awe mainta un tim a bai na Cocorie i a kuminsá ehekutá e desishon di minister di GMN pa stòp fòrnunan di karbon. Mas detaye den edishon di EXTRA.