WILLEMSTAD – Pa medio di e komunikado aki, Ministerio di GMN ta partisipá ku a tuma nota di e presensia remarkabel di e asina yamá “African Giant Snail” na e bario di Boka Samí. Ta trata aki di un kokolishi remarkablemente grandi i hopi biaha habitantenan ta miré na muraya di bibienda. E no ta venenoso pero por ta kargadó di malesa. Pues atendé ku e snail aki ku kautela.

AVB pronto lo suministrá mas informashon relashoná ku e snail aki komo ta trata aki di un espesié invasivo ku no ta pertenesé na e flora i fauna di Kòrsou. Ministerio alabes lo bini ku un aviso i lo suministrá informashon kon yuda deshasí di e snail aki na un manera responsabel.