WILLEMSTAD – Pa Djamars dia 2 di yüli ku ta e dia ku nos ta selebrá Dia di Bandera, Servisio Meteorológiko di Kòrsou ta pronostiká ku por spera kalor ekstremo enkonekshon ku orkan Beryl den Karibe.
Mediante di e komunikado aki, Ministerio di GMN ke avisá públiko en general pa tuma medida di prevenshon kontra e posibel kalor ekstremo aki. Ata algun rekomendashon aki:
- Un rekomendashon ta pa bebe awa durante dia pa keda hidratá
- Usa krema di protekshon kontra rayo nan di solo spf 30 òf mas
- Apliká esaki 20 minüt promé eksponé den solo i ripití aplikashon kada ora.
- Bisti paña nan lihero i di kolo kla.
- Usa pèchi ku brel di solo
- Keda mas tantu posibel den fresku
- Evitá di ta entre 10 or pa 4 or eksponé pa ora nan largu den solo.
- Un i tur tira bista riba otro
- Paga tinu riba nos hende grandi, persona nan desabilitá i ku nos mucha nan.
Ministerio di GMN ta deseá Pueblo di Kòrsou un selebrashon dushi di Dia di Bandera, pero kòrda kuida. Esaki ta un mensahe di Ministerio di Salubridat, Medio Ambiente i Naturalesa.
