Un ora pa otro e por huramentá

WILLEMSTAD.-Informashon a drenta for di ministerio di asuntunan general ku su ekselensia gobernador di Kòrsou a pidi e dokumentunan ku Konseho Elektoral, konosí komo Konseho Supremo Elektoral, a prepará den kaso di e persona ku ta na turno pa bira miembro di Parlamento di Kòrsou.

Manera ta konosí Konseho di Minister di Reino, pa medio di un medida di alto supervishon a duna instrukshon na su ekselensia gobernador di Kòrsou pa investigá e kredensialnan di sra. Emmilou Capriles. Di e forma aki ta kana e proseso pa yena e puesto vakante den Parlamento di Kòrsou.

Na momentu ku gobernador kaba di investigá e dokumentunan e lo pone e kandidato, Konseho Elektoral i Parlamento na altura di esaki. Den kaso ku e dokumentunan ta korekto e kandidato por hasi petishon na gobernador pa permiti’e hura. Ta gobernador ta disidí na ki momentu esei por tuma luga. Despues di hura e miembro por partisipá na reunionnan di Parlamento.