WILLEMSTAD,- Gobernador Lucille George-Wout di Kòrsou a disidí pa nombra un formador pa yega na un gabinete interino. Ruthmilda Larmonie-Cecilia ta e formadó aspirá pa un gabinete-interino. Asina Gabinete di Gobernador a duna di konosé awe mèrdia.

Den e komunikado ta bisa ku: ‘Gobernador di Kòrsou a tene kombersashon konsultativo dianan 20, 21 i 22 di febrüari ku konsekutivamente presidente di Parlamento, presidente interino di Raad van Advies, minister di Estado, un delegashon di plataforma ‘Dialogo Nashonal’, lidernan di frakshonnan ku ta representá den Parlamento i tambe e miembronan independiente den Parlamento.

Despues a tuma lugá un kombersashon di orientashon entre gobernador Lucille George-Wout i formador aspirá Ruthmilda Larmonie-Cecilia.

Basá riba tur e kombersashon gobernador a disidí pa direktamente kuminsá ku proseso pa yega na un formador di un gabinete-interino.