WILLEMSTAD. - Gobernador di Kòrsou, Su Ekselensia Lucille-George-Wout, awe a duna Sra. Ruthmilda Larmonie-Cecilia e mandato pa forma un gabinete interino, ku ta gosa di e sosten di e mayoria di parlamento. Esaki ta konsekuensia di e echo ku e Gabinete Koeiman no ta gosa di e sosten di e mayoria den Parlamento mas i alabes e gobièrnu ku asignatura di Partido MAN a disolvé e parlamento. Na mes momentu Minister Presidente Koeiman a entrega retiro di su Gabinete. Riba petishon di gobernador, gabinete demishonario Koeiman a keda sinta, te ora ku bin un gabinete ku ta gosa ku mayoria. Un di e tareanan Gobernador a duna e gabinete interino ku pronto lo sinta, ta pa sigui traha riba elekshon planiá pa 28 di aprel 2017 i tambe kontinuá ku asuntunan pendiente.