WILLEMSTAD.- Minister van Heydoorn enkargá ku Enseñansa, Siensia, Kultura i Deporte ayera nochi na final dje debate ku a keda organisá pa Sektor di Kultura a entrega plakat di rekonosementu na e músikonan di ONE Flavaz ku a kontribuí pa realisá e produkshon di ‘Biba Doble’.

Den pasado ONE a produsí homenahe musikal na Anselmus ‘Boy’ Dap i Harry Zimmerman, ámbos di felis memoria.

Minister van Heydoorn a entregá plakat na Xemio Jacobs, Randal Corsen, Richenelo Francisca e popular artista urbano ‘Nelo’ i na front di ONE Flavaz gradisiendo nan pa e forma ku nan a hasi uso di nan talento pa engrandesé i sigui traspasá nos herensia musikal i ta motivá nan pa sigui hasi esaki.