KRALENDIJK -- Gobièrnu di Boneiru ta urgi públiko pa duna koperashon pa por haña e turista pèrdí Jessica Collins di 47 aña. Dia 17 di sèptèmber 2025, barku krusero Carnival Horizon tabata mará na Boneiru. E barku a sali mas lat den anochi. Jessica Collins no a regresá e barku. Parti di su ekipahe i pertenensia personal ta na bordo ainda. El a bai sí ku tur su pruebanan di identidat. Di akuerdo ku un komunikado emití pa Entidat Públiko Boneiru, outoridat lokal ta traha huntu ku nan, Ofisina di haf, Tourism Corporation Bonaire, Carnival Cruise Line Security, hefe di seguridat na bordo i otro partner. A tuma kontakto mesora tambe ku Carnival Corporation i outoridat merikano. E meta ta pa haña señora Collins lihé i seif. Ta monitoriá e situashon ku masha atenshon. Asina ku tin informashon nobo, ta kompartí esaki. Esun ku por a mira òf ripará algu, laga sa esei via : 9310 (liña di tep anónimo) òf 715 8000.