WILLEMSTAD - Den e akuerdo di gobernashon, gabinete Pisas II a indiká ku lo kambia e tarifa di omzetbelasting pa un tarifa fiho di 7%. Sinembargo, komo konsekuensia di Covid-19, preisnan di kònteiner a subi drástikamente. Konsekuentemente preis di produkto a subi hopi i forsa di kompra di pueblo a bai hopi atras. No opstante lokual tin skibi den e akuerdo di gobernashon, Minister di Finansa a hasi un reevaluashon i ta di opinion ku na e momento aki no ta oportuno pa subi e tarifa di omzetbelasting di 6% bai 7%. Aktualmente ta trahando riba leinan ku lo krea e posibilidat pa banko por retené i paga e omzetbelasting mesora na gobièrnu na momentu ku paga ku un karchi di banko.