WILLEMSTAD.- Ounke ku gruponan a sali lat, pueblo di Kòrsou i turistanan por a disfrutá di un Karnaval sumamente kolorido i bon animá. E kantidat di partisipante no a krese, pero e gruponan si a duna lo mihó di nan. Den tur e ambiente di Karnaval no por pèrdè for di bista ku nos tabatin un wikènt ku 1 asesinato i 1 morto den tráfiko ku indirektamente por keda vinkulá ku selebrashon di nos Karnaval. Pa awe nochi ta spera un marcha di despedida kaminda lus tei pèrkurá pa duna e marcha un otro dimenshon. Un bon komportashon di públiko lo laga nos terminá e temporada di Karnaval 2017 riba bon pia.