WILLEMSTAD.- EXTRA a risibí reakshon di un grupo di venezolano ku ke sa te ki dia nan tin di warda pa por regresá nan pais.

E buelo humanitario a keda kanselá dia 22 di mart último. Na febrüari tambe meskos a tuma lugá un buelo humanitario ku tampoko no a sigui.

Tin vários venezolano na e momentunan aki ku debí na diferente faktor ta deseá di regresá nan pais. Aparte di esaki, tin personanan prosedente di Venezuela ku na e momentu aki ta detené en espera di  regreso pa nan pais.

Aktualmente, ainda no tin vuelo komersial entre Kòrsou i Venezuela ku por fasilitá venezolanonan regreso pa nan pais.

Minister di Hustisia  ta den kombersashon ku Kònsùl di Venezuela, pa logra yega na e posibilidat di un vuelo humanitario pa dia 22 di mart próksimo.

E vuelo aki no a sigui mas i e grupo di venezolano ke bai nan pais. Nan a bisa EXTRA ku e agensia di biahe tin nan plaka i no ke debolbé esaki. I ménos ta duna informashon ta ki dia e vuelo lo por sigui. Asta e venezolanonan ta pidi minister di hustisia pa papia ku Marina Real pa hiba nan bèk Venezuela. Manera nan ta bisa ta djis un idea pero ta mustra e desesperashon di nan parti pa por bai bèk.