WILLEMSTAD.- Awe mainta un grupo di trahadó di Refineria Isla a tene un walkout. Informashon ku EXTRA ta dispone di dje ta indiká ku e trahadónan lo ta reklamando pa durante di hopi tempu nan no a haña niun oumentu salarial. Banda di esei ta asina ku tin preokupashon rondó di desaroyonan rondó di futuro di e refineria. Pues e nivel di malkontentu ta bastante haltu.

Tambe EXTRA a komprondé ku e sindikato ku ta representá e trahadónan di Staf, esta APRI ta esun ku lo ta duna guia na e trahadónan den akshon. Te na e momentunan aki niun di e dirigentenan sindikal no tabata alkansabel pa duna nan parti den e totalidat aki. E lucha ta pa oumentu di salario asina un trahadó a informá EXTRA un ratu pasá.