WILLEMSTAD.- Pa mas o ménos kuat'or (4:00) di mardugá, melding a drenta di un kas di palu ku ta na kandela na Roermondstraat (Saliña). Na yegada di bomberonan, bèrdat a tuma nota di un kas na kandela i muchu no por a hasi. Bisiñanan a mèldu ku nan no ta mira e doño di e kas pafó. Esaki mesora a lanta e sospecho ku kisas e doño di e kas lo tabata den e kas. Ora ku bomberonan a logra dominá e kandela, outoridatnan a topa den un di e kambernan e kurpa, un hende hòmber, ya sin bida di e doño di e kas. Investigashon ta kontinuá pa determiná kousa eksakto di e kandela. Forsa na famianan.