WILLEMSTAD.- E sistema nobo di paga pa parker den sentro di siudat no a kai mashá na agrado entre otro di habitantenan di Otrobanda.

Habitantenan di Rif ta sumamente mal kontentu ku e sistema nobo di parker meter ku a wòrdu introdusí, debí ku awor nan ta konfrontando un problema ku personanan ta bin parker dilanti nan porta di kas i nan mes no por yega nan kas.

E situashon ta asina fèrfelu ku den wikènt tras di lomba esaki a eskalá entre habitantenan i bishitante, ku a hera di sali for di man.

Esaki a pone ku e 15 habitantenan di e Rif a será kabes i a tuma e desishon pa riba nan mes nan sera e área aki, pa asina evitá ku ta sigui parker dilanti nan kas.