WILLEMSTAD - E haitiano akusá di kima Ontvanger, Sergio Francillon a rekobra su libertat, asina Wes a dikta awe mainta. Ta trata di e kaso kaminda un kandela a destrui edifisio di ontvanger aya pasa 22 di ougustus. Un kaso ku a konmove komundat i a hiba nos situashon fiskal atras.

E kaso lo bin korte bek 5 mart 2021. E tin paga garantia 50 mil florin, e tin haña banchi, mèldu na polis ta kondishonnan ku hues a stipulá pe. Hues a suspendé su detenshon debí ku e tin 13 luna sera i ainda investigashon no ta kla. Manera ta konosi tin otro sospechoso ku a hui bai Haiti i otro na Venezuela ku ta buskando mientras tin un sera na Boneiru.  Den edishon mayan di Extra lo tin mas detaye.