WILLEMSTAD.- Hands òf Fame ta posibel na Kòrsou tambe. I intenshon ta pa yega na un museo aki na Kòrsou kaminda nos por wak tur e mannan di e famosonan. Joelissa Martina un zùster e tempu ei na e departamento di mucha na Hospital St. Elisabeth a bin ku e posibilidat ei i e promé ku el a traha su mannan den un malchi tabata Justin Penzo (qepd). I esaki el a regalá na e mama.

Manera Joelissa a bisa EXTRA el a mira hopi pashènt bin i bai sin ku e mayornan por  a keda ku un rekuerdo atras. I esaki a insentivá pa e bin ku e sistema di Hands of Fame.

I awor e ta famoso ku tur hende na Kòrsou por hasié (tel 526-5777). I no solamente man pero el a hasi unu resientemente di barika i man riba barika, en partikular hende na estado).

Den wikènt tras di lomba algun pelotero di liga grandi MLB tambe a haña e oportunidat aki di hasi nan mannan famoso. Entre otro ya tin di nos Hensley Meulens i den wikènt a hasi tambe di vários manera Sir Didi Gregorius i tambe di Ozhaino Albies.

Joelissa a bisa EXTRA ku e ta spera ku por yega na un museo di Hands of Fame. Ya e ta trahando riba esaki.