WILLEMSTAD – For di prinsipio Kòrsou tabata sa kiko ta warda nan ku e bate nan fuerte di Hawaii. Ya for di e promé ining Hawaii a demonstrá su poder. Kòrsou e úniko duda pa e wega aki tabata e picheo i for di tempran a bira kla ku esaki lo ta bira un problema. Kòrsou mester usa tres picher pa sali for di promé dos iningnan pero ya e daño tabata hasi ku 5 kareda en kontra. Ya e eskritura tabata riba muraya. Hawaii tabatin nan picher estelar i tabata dominante. Asina ya difísil pa bin bek di un desbentaha di 4 kareda. Kòrsou a duna tur lokual nan tabata por. Tremendo presentashon pa defendé e título di kampion internashonal i sub kampion di Mundu. Den edishon mayan di Extra lo tin mas detaye.