WILLEMSTAD. - E tim di reskate di Warda Kosta a sali djadumingu mèrdia riba un yamada pa duna asistensia na un señora ku a subi Ser’i Kristof i a kibra su ènkel. Esaki a pone ku e no por a baha e seru riba su mes forsa. A notifiká Kuerpo di Bombero pa yuda, pero nan no tabata por a logra baha e señora.
Esaki tabata motibu pa hasi un apelashon riba Warda Kosta pa nan por duna un man den e situashon aki.
Warda Kosta a pone su helikòpter den servisio i pa medio di un asina yamá ‘hoist’ a hisa e señora for di riba e seru i a transportá e señora e ora ei pa Hato, kaminda ku einan tabatin ambulans pará pa hiba e señor poli.