Outo di polis embolbi den aksidente

Un vehíkulo polisial tabata embolbi den un aksidente ku a laga dos persona herida. Ta trata den e kaso kaminda polis tabata bai duna asistensia na e hinkamentu. Un outo di famia a lora dilanti di e outo di polis ku konsekuensia ku e outo di polis a dal e outo di famia. Un señora den e outo di famia a resultá herida. E outo di polis tambe a risibi hopi daño. Un polis tambe a sinti doló den pechu i p’esei a pidi ambulans pa tira un bista riba dje. Mas detaye den edishon di EXTRA.

Nicole Lake bon konosí pa hustisia a hinka e hòmber

WILLEMSTAD.-Un ratu pasá polis mester a bai atendé un kaso di hinkamentu ku a tuma lugá den e área di Habaai na Santa Helena. Na yegada polis a topa ku un hòmber tur na sanger. Na e sitio a detené e hende muhé Nicole Lake. Lake ta bon konosí pa hustisia debí ku na vários okashon el a keda detené pa un òf otro kaso. Ta resultá ku den e kaso aki Lake lo ta esun ku a hinka e hòmber. Ku ambulans a transportá e hòmber pa Poliklínika pa tratamentu urgente. Mas detaye den edishon di EXTRA.