WILLEMSTAD.- Djabièrnè den oranan lat di anochi shofùr di un vehíkulo a hañ’e den un aksidente basta fèrfelu.

Shofùr di un otro vehíkulo koriendo di forma hopi iresponsabel riba Schottegatweg Oost a dal den un vehíkulo i sigui kore manera nada a pasa.

E víktima a keda atras ku doló i tambe un vehíkulo ku hopi daño material. Lokual kousante di e aksidente no a tuma nota, ta ku plachi di number di su vehíkulo a kai i a keda atras. Lokual ta nifiká ku ya outoridatnan sa ken tabata manehá e vehíkulo.

Polis i tambe ForenSys a registrá e aksidente miéntras ku lo bai atendé tambe ku esun ku a kousa e aksidente.